Riceviamo e pubblichiamo quanto segue:

Pentzamentus po’ sa Die de sa Sardigna de Irene Carta

Oi seu andara a sa Catedrali Santa Maria de is Sardus, in Castedhu, poita festegiant Sa Die de sa Sardigna.
Po’ onestadi intelletuali, depu nai chi deu m’intendu de natzionalidadi italiana e de origini sarda .
Ammitu chi sa Sardigna est una regioni Italiana e pensu chi non serbiri prusu a prangiri arregodendi is tempus antigus de candu femus su primu nucleo de sa Natzioni e prima ancora de candu femus una popolatzioni libera.
Totu sa istoria nosta deu non dha negu, perou fai parti de sa cultura nosta, nixiunusu si dha toccada.
Nosus seus comenti seus gratzias puru a cussa istoria.
Seculos de colonitzadoris istrangius ant cumandau is antenaddus nostus, dhu s’ant umiliaus in terra insoru, dh’’ant privaus de sa lingua, de sa terra e de sa libertadi.
Perou mi domandu: Est sutzediu sceti a nosu? Sceti in custa terra? Sa istoria de is natzionis non est fortzis fatta de gherras e de popolatzionis chi oi cumandant e crasi funt comandadas?”
Si nci pensaus beni, oi nixiuna persona intelletualmente onesta e libera, chistionat mali de sa genti sarda; s’ arriconoscinti s’orgogliou, sa seriedadi, s ’onestadi
Non seus genti de beffàre.
E custu carateri non dh’ ant cambiau né is colonitzadoris né is angherias, antzis, si dh’ant afotiau
Torru a nai, oi non iat depi essi importanti de cali bidda ses, ma ita ses, chini ses.
Si totus imparaus a ponni a pati is acappius chi nosus e totu si faeus, a non circai is diferentzias tra nosus e is atrus, a non coltivai s’odio po’ su ch’est sutzediu in is tempus andaus, si eus finalmente intendere genti de su mundu.
Est giustu arregodai cun cerimonias comenti a cussa de a mengianu, ma non po’ disigiai de torrai a coa in su tempus e nemancu po afotiai s’odiu contra a is “anemigus”.
Su sonu de is launeddas, is cantus in sardu, mi ant fatu impilurtziri, m’ant istrintu su coro, funt cussus sonos chi mi appartennint e chi mi faint intendere parti de custa terra, de custu mundu.
Mi scusu si sa scritura non est precisa, ma est de pagu tempus chi iscriu in sardu e m’apa a curregi cun su tempus.
Saludu totus is sardus, puru cussus chi no dha penzant comenti a mei. (28-04-2015)