Abba pretziosa, netta, fina
Acchirra e ristora sa campagna
Beni e custa terra asciutta bagna
Son pastores e massajos in rughina

In tempus zustu beni benigna
No allaghes sas miseras pianuras
Pontes e istradas non distruas
No isperdas custa poghera Sardigna

Est mancada s’abba cust’iberru
E ocanno s’est siccadu donzi rivu
Est unu problema donzi istiu
Ca patimus su calore de s’iferru

Nues chi colades supra ‘e sa muntagna
E alteras parides reinas de su munnu
Benide e zirade tott’ a intunnu
Ponide ine a sa terribile siccagna

Virmadebos nues a m’ascurtare
Tzessade derettu su turmentu
Proghide nesci unu momentu
Non timedas e no appedas ube annare

Abbarrade e rinnovade sos terrinos
Chi rallegran a sos cristianos su coro
Sa natura diat prodottos genuinos
Chi po sa zente sono menzus de s’oro