A dogn’afrizidu
cun pagos cunsolos,
a sos chi de dolos
a biru sunt prenos,
a fizos anzenos
(ne babbu ne mama),
a sos chi de s’ama
s’afetu ant perdìdu.

A sos foressidos
pro poder campare,
a sos for’e pare
chi prus non si amant,
a cuddos chi tramant
a not’e a die,
e finas a chie
at malos sentidos.

A nois mortales,
a sos bisonzosos,
famidos, runzosos
de dogni manera
no’ manchet s’ispera
de lestros mezoros,
s’allenent sos loros
chi ligant giuales!...

…..

A chie m’est lontanu,
a chie m’at connotu
istringo a totu,
sintzera, sa manu!

Bona Pasca!

In Iscanu, Abrile de su 2014