ILLUSIONE MACCA

Amigu ti cres s'unica persone
in custa terra, sabiu naschidu,
biadu tue chi ses provedidu
de cussos donos bellos chi no hamus
noisi tottu ch'invanu invocamus
de nd'haere una die porzione.

Tue chi pius de Salomone,
sese dottadu, generosu e sapidu,
poto giurare chi mai l'apapidu
unu simile a tie de pupazzu
chi no balede mancu pro pinnazzu
a lu ponnere in s'ortu 'e su melone.

Ma penso si ti poto accomodare
de calchi modu ca nde tenzo dolu,
già chi t'hapo in manu, e ses su solu
chi deo pota dare lezione,
pro chi no nd'hapo soddisfazione,
ormai so dispostu a ti la dare.

Beru chi sa natura hada isbagliadu
brivendemi de donos,e talentos,
però sos pagos c'hapo in sentimentos
los isco adoperare, e so padronu,
no che tue chi tenes d'ogni donu
in manu tua,e male adoperadu.

E dae cussos donos has'ottesu
o caru amigu, sas beffas de totu,
de cuddos chi t'han bidu e connotu,
e chi nisciunu sos pilos s'hat tintu
comente tue, pro esser distintu
illusu e faeddare sÓlandesu.

E si camperas can tu durat mundu,
colores cambiende, milli tintas,
operas tuas den restare fintas
ma realtade a sos progenientes
c'a cuss'era no s'agatat molentes
solu tue tes'esser pei tundu.

Mimmia Soro (Olanda)