In bidda mia
di Minnia Pani

In epoca ispagnola in bidda mia
Contivizzaian Ducas e Marcheses
Costruidu est a inbudu su paèse:
In custos versos narrer lu cheria.

Cun pagas perdas tue ses naschìda;
sos Borgias puru faghian’ ispolola
Cun otto perdas nd’ han fattu una sola
Da-e sos regnantes fit pessighìda.

De ses collinas tue ses coronada
Franco Marongiu e Franziscu Amadu
In s’iscrittura l’hana cunfrimmadu
Atiga, dignitosa pares’ fadada.

In bidda mia cultura decorosa:
cantos affrescos de ogni zenia
in su Rosariu, in Santa Maria
S’archeologia ti rendet famosa.

Una ricchesa nobile istimada
Grixoni marmureu monumentu;
fotografos, pittores piùs de chentu
l’hana pintada e fotografada.

Pessones importates c’ hat passadu:
Sunu sos mastros de sa poesia,
sos luminares fini in bidda mia
iscrittos sos ricordos han lassadu.

Nde faeddo cun tanta simpatia
ispiegàdu in su componimentu
de sa idda mia est unu ammentu
in custos versos narrer lu gheria.

“PREMIU LOGUDORO” /1999/