In sa terra sulcos de anneu
di Minnia Pani

Cantos ammentos, canton oriolos
m’ atzendet fogos betzos, in su coro,
cando bi Pesso, cantu m' addoloro,
lassendemi in sos punzos sas fadigas
dies lieras chi mi fin' amigas
isperas integragadas pesan bolos bolos

Su coro gito sempr’ in arrenegu
prò sas intragnas de madrighes malas
che mariposa ferid’ in sas alas
ligada so, a telos de ranzolu,
chirco fuende litos de consolu
e umbrasa bramadas, de assusegu.

E custos fogos betzos tessen tramas,
e mudan' in sos tempos de majas
isperas e isettos de una ia
a su tempusì mi parian lizos
non connoschi’ ancora sos fastizos.
m’ inchimerat su coro de fiamas.

Custas fiamas su coro mi brujan,
madrighe malas, sa vida distruen,
faghen sos dannos, si cuan e fuen,
ti raffian cun sas ungjas e sas dentes
arruinende vidas innotzentes,
e sos coros feridos, mai cujan.

E m’ imbergo in tuppas de tristuras,
cun bisos de neula isvanessidos,
sos pagos bolos chi sun resessidos,
fin ranzigos, lusingos de rispettu
e confortos nieddos de isettu
e sentores, lampitzos de paura.

Dies lieras isolvan su nie
Benzat su pasu, susseg’ in s’intragna,
e sa cria chi est in sa campagna
isbrotet fiorida chentz’anneu.
Madrighes malas appen su recreu
E torret sas dulzuras de sa die.

SEGNALAZIONE THIESI 2001