Kasteddu 2004

Bella Kasteddu
a mengianu kitzi
arribendi
cum sa navi d'emigrau
prena.

Is ventanas
totta serraras
parinti
is ogus serraus
de femminas sdirrigaras
de traballu.

Postu unu pei in terra
bessidi un lagrima pitichedda
da is ogus spantaus.
Kasteddu cittadi mia
t'appu sonnau po tres annus
e immoi su prantu no si firmara?

Po ita, po ita mi seu domandau
meras nottis
is fillus de Sardigna
deppint lassai sa mamma
e agattai traballu innoi,
in sa terra nostra,
esti unu trumentu mannu
commenti unu campu
"e perdas 'e foghu".?

S'omini nou
narara
ki è arribendi
una Sardigna noa
cum traballu e trigu
po tottus.

E nosus de Iglesias, de Nugoro,
oi
torraus a emigrai?..

Giovanni Oliveri