Poeticu chimentu
di Francesco Masia

Ammentu de tiu Frantzischeddu Satta

Istrana sensazione in s’ammentu
de cuss’omine intensa esaltazione
de sas bramas poeticas chi preparada sensos
a s’iscattu de ojos e pinna chi idene attesu,
chi iscriede acculzu su coro
chi zoccada che marteddu
a l’ammentare sos pes chi brincana
e sas manos chi toccana s’eternidade.

Profumu de Sardica emozione!!
Agreste e piena de poetica violenza
cun sa ozza de combattere,
cun sa gana de iscriere,
cun cudda sensazione de torrare a piseddu
pro rezzire gosu preziosu de cussas rimas
de antigu modernu poete
chi aliada una vida intrea.

Currende umpare a su tempus
pro torrare a chie t’ada cheffidu bene
e sanare dae onzi male e disizzu
abbaidende isteddas inue ses tue
disizzende un’istrinta de manu
chi non t’appo potidu dare.

Oe! Lu fatto cun coro
cun fizza donosa
chi rimarcada trattos
chi nos battidi s’ammentu
senza si frimmare a s’apparenzia
cumbattende ignoranza
e decantende sas odes de cuss’omine
e issas lezzeras che olana a bentu
tremendemi s’anima
cun prona corenzia
imbreagana su coro.
Sensazione inebriante
In nostalgicu chimentu!!!