S’amore ‘e sa mama
de Giuseppina Schirru

In su bantzigu fit
su minoreddu
e gana ‘e si drommire no nd’aiat:
riiat incantadu
e che una montzittedda isbaulaiat
illonghende sos bratzittos.

Sa luna lutzigante
cun colores de arghentu fit intrada,
a rajos giogulanos
pro li tenner cumpantzia.

Che mariposas,
lebias, fin sas manos
in chirca de acciappare umbras de chelu,
chi solu issu
bider las podiat.
Sa cobertedda, a fiores ricamada,
dae anchitteddas lestras
imbolada.
Sutt’a sos pees
fit como,
ammuntonada
umpare a sa randa ‘e su lentolu.

Ma no fit solu!
“Issa”, cun cara ‘e luna,
accurtzu 1’ istaiat
pro li dare accunortu
e alligria.
Umpare a sos isteddos
cantaiat
pro sa criadura, muttos de incantu.

S’amore ‘e sa mama, fit su cantu,
chi dae mundu arcanu bizaiat
pro s’orfaneddu sou,
chi gana ‘e si drommire no nd’aiat!

3° Premio - Sezione Poesia d’amore Villanovatulo 2012