Sa lughe 'e s'iscuru
di Giovanna Maria Lai

Didos imbreagos de disizu
sunt isfozende mariposas de ispera,
pro iscantiare murrunzos de atunzu
dae ticullidas de pasu.

Gioghende a cua cua
cun s’umbra ‘e su tempus
aproendo calarinas de ammentu,
ninnende unu sonniu già fuidu.

In sas pijas de una isetu noale
chirco su sole ‘e sa note
pro nde ochire sa lughe ‘e s’iscuru,
e ingraidare de aficu
sas bentres boidas de s’anima.

Boghes de mutria ingroghida
mi porrint fressadas de astrau.

E mi perdo in intragnas de 'entu.

Apo a naschere ancora una ia
in sas alas de unu disizu.

E’ la vita che srotola i suoi giorni sempre uguali, è la vana ricerca di un sogno già sfuggito nel nulla, nel turbinio dei ricordi, aspettando e paventando l’autunno dell’esistenza. Ma la speranza tarda a morire.
E ci si culla nell’ attesa di cose impossibili, del sole notturno per illuminare e far maturare ancora certezze. Ma ci si deve arrendere di fronte alla realtà, con la consapevolezza che, rinascendo, la propria vita sarà ancora la fotocopia della precedente.