Non si podet mai cumprèndere
cantu ‘alet sa caridade
si mancat sa fide
e sa connoschentzia
de Cristos.

Sa caritade est sa sustanzia ‘era
de s’Amore.
In custu amus a èssere zuigados,
e cando faghimus su bene
a sa cua
e chena pretèndere
nudda in giambu
tando est caridade abberu
e amus mèritu mannu.
Sigomente Gesus
est bennid’in sa terra
pro sos pecadores
gai nois puru
nos devimus interessare
de sas ànimas mischinzosas,
e si resessimus a perdonare
a chi nos faghet male
semus in su caminu giustu
pro meritare
de impricare
su Babbu Nostru