SOLA

MI SO PESADA CUN ALAS DE 'ENTU
PRO M'ISPIJIARE IN ISTEDDOS DE ORO,
HAPPO FURADU COLORES DE CHELU
PRO MI PINTARE CUN TINTAS DE ISPERA,
E HAPPO CHERTADU CUN UMORES DE SOLE,
PRO MI LASSARE NESSI UNU RAJU,
A MI TORRARE SU ERANU INTR''E CORO.

POI HAPPO ISETTADU MERIAGOS DE SERO
PRO MI ESTIRE CUN PUMAS DE ACCISU

MA EST FALADA IMPRESSE SA NOTTE
E TOTTU S'EST CAGLIADU......

SOLU DEO SO RESTADA, IMBREAGA DE ISETTU,
A TORRARE SU ESSU A SA TONCA,
E IMBERRIARE LUNAS BENIDORAS,
BISENDE BUTTIOS DE ISTEDDU,
PRO PASARE IN UNDAS DE CONSOLU.

Giovanna Maria Lai Dettori (Ozieri)