"Su dannu" de s’uraniu impoveridu
di Franziscu Masia

In tempus de paghe este bona creanza
chi si fattana bonas sas ricercas
pro parare sa mancanza
e curare maladias bezzas
ponzende a un’ala sas vertenzas
e abbaidende de pius a sa sustanza
sicuramente non si podede faghere
aumentende su nucleare.

Cando si andada a laorare
in cussas terras bisastradas
maladia ndana a leare
popolasciones seberadas
cà tottu sas miserias l’asana carradas
e in que non si bi podede semenare
e si bi passas e bi caminas
maladia mala ti l’attiras.

Cussos militares las’ana idas
cà fin dae ordines obbligados
e si las’ana imprimidas
e oe sun tottu ischeddados
non lo s’ana mancu pensionados
e in tribunale sunu incappados
cà in sos terrinos pius nostranos
bi ana fattu sos esperimentos pius istranos.

Sos poveros cristianos
malaidos in corpu e a pumones
leados in giru e isfruttados
dae cumandantes mascalzones
chi cun bellicosas intenziones
ana attidu pius malannos
si no atteru,
pro ponnere rimediu a cussu dannu
serrade cussu cuntrstu intro de ocannu!!!!