Su lamentu de sas
arvures
di Minnia Pani
Mira cantu est bellu su ‘eranu
Cun sas campagnas tottu fioridas
Sas arvures cun fozas abbellidas
Est consolu de su coro umanu.
A s’ attunzu sas fozas’ ingroghidas
Parene mariposas coloradas,
In corruttu arvures ispozadas
Si passana sa ‘oghe addoloridas.
A ogni foza chi s’ est istaccada
S’arvure faghede unu lamentu,
ma olende sa terra l’ an basada.
Olan’ cun su ‘entu a mala oza
Sas naes sun pienas de turmentu
Ma s’ umbra est già morta cun sa foza.
THIESI SEGNALAZIONE
DEL 1999
|