Undas
di Francesco Masia

Ndè fatto de s’anima mia siddadu
pro bi ponnere sa tua,
ad’ a essere unu reccuidolzu pro su coro
e de su pettus meu una tumba
pro cantu suffro!!
Pro sas penas tuas.

A ti adorare comente
sos campagnolos faghene cun s’attunzu
e in tegus appo a campare
comente sa vida de unu pianta
attaccada a raighina!!
Sutta sos rajos de su sole.

Pendulende in sa undas de mare,
aggiolottadu dae fragassos modernos
e sos ammentos a mi los signare
pensende a frittos ijerros.
sonniende istios pius bellos!!
A manutenta cun tegus.

Apprezziende su nome tou comente un’adde,
carignadu dae friscas manzanas
m’ isculto su faeddu de s’anima tua
comente sas rivas marinas iscultana
tremantes accoglientes e mudas!!
S’istoria de cussas saggias e prodigas undas ….