Si sa salude tenes
e ses de bonu coro,
pensa a su frade ch'est'irfortunadu.
Onzi sacca chi prenes
alede unu tesoro
pro su malaidu ch'andad'azuadu.
Passados sun trint'annos,
dae nudda nos semus fatos mannos!

No arrecad'ispesa,
non contat sa burzacca,
no importat si sese ispiantadu!
Cale menzus richesa
de prennere sa sacca
cun su sambene chi ti ch'an tiradu.
Passados sun trint'annos,
e semus diventados pius mannos!

Non t'asa a irmentigare,
si imparas dae minore,
ch'er bellu a dare comente a rezzire.
Tue bae a donare,
faghelu cun amore,
ca sa regorta sighid' a bundire.
Passados sun trint'annos
e in s'AVIS nos semus fatos mannos!

Fin pagos sos butios,
fatos si sun funtana,
chi diventene riu in su disizu.
Fizos, mamas e tios
non perdedas sa gana,
custu soziu cultivade che lizu.
Passados sun trint'annos
tra ateros trinta sempre pius mannos!