Ammentos a sos centenarios
di Giuseppe Concas

Su degheotto, de martu die e mese
Naschidu es Longu Zuanne Maria
In sottighentos e chimbantasese .

In tempus, primitivu e pizzinnia
Naturale vacinu, in sa carena
immune, dae onzi malaria.

Poi, naschida es Pireddu Filumena
Prospera, e sana fisicu robustu
Distaccu e duos anno ana appena.

Registrada su treighi de austu
S’annu, chimbatotto e sottighentos
Precisu in comune iscrittu giustu.

Babbos e mamas, felices e cuntentos
Cando idian sa criatura sana
Ca sotu insoro, fin sos nutrimenos.

Fascas, munteddos de linu e de lana
A su naschimentu, lis faghiana
E cabanos e carzas de campana.

Chi finas a sa morte los bestiana
E in sera moderna, sempre usados
Distintos, cando los presentaiana.

A su triballu, bene abituados
Lu faghian, cun sentimentos drittos
Cun sos antigos arnesese usados.

In ambientes cardos e frittos
Vividu, an cun tottu sos onores
Intro su nidu e antigos abitos.

Massazzos, casalingas e pastores
Ca casu, trigu, e petta fi tesoro
Pro sustentu e mannos e minores.

E cun corazu serenu, e forza insoro
De Filumena, e Zuanne Maria
Ha pro chent’annos battidu su coro.

Mortos, non sunu pro una maladia
Consumados che una foghilaia
Chi resta solu sa chisina ebbia.

E quasi a s’edade centenaria
Chi lis manda s’avvisu prima Deu
Bindada, atteros sette in vecchiaia.

Bi es fina zia, e nonnu meu
Lis mancada, solu dies o mese
Pro esser giustu, su seculu intreu.

E tue chi interessadu ti sese
Leva, sinnora, e su barantaduos
Una santa missa dare dese
Ammentu, a issos e meritos tuos.