| Is pipius
infadaus
Is pipius cùrrint prexaus
in is giardinus de is janas,
bòlant lèbius
in is celus de sa pantasia,
giogant in mesu ’e is froris de su nidori,
chistionant cun erois de cartoni,
si fùint de sa gruta disdiciosa de s’orcu.
Is pipius funti creaturas notzentis
e no scinti chi foras de is fàbulas puru,
ci funti orcus,
meda peus de i-cussus pantasiaus.
Is orcus funti cruelis, malus, arrorosus,
bocint is janas, bocint su nidori,
bocint sa pantasia.
Is pipius chi atobiant s’orcu
no chistionant prus cun is erois de cartoni.
No chistionant prus cun nisciunus.
Aturant a solus e a solus pràngint
e sùnfrint po sa pipiesa furada.
In sa buca du s’at abarrai po sempri
su sabori ferenosu de s’ infadu,
in s’ànima unu scòrriu
cuau de sa bregùngia e de sa debilesa
de una creatura disamparada.
Cussa ferida a bortas
mudat unu pipiu
chi curriat prexau
in is giardinus amainaus,
in d-un’orcu vengantzosu
chi nd’ at a porri furai
sa notzèntzia de un’ atru pipiu
chi mancai, dònnia dì, du tzèrriat… babu. |
I bambini
molestati
I bambini corrono contenti
nei giardini delle fate,
volano leggeri
nei cieli della fantasia,
giocano tra i fiori della purezza,
parlano con eroi di cartone,
scappano dal sinistro antro dell’orco.
I bambini sono creature innocenti
e non sanno che anche fuori dalle favole,
ci sono orchi,
peggiori di quelli fantasticati.
Gli orchi sono crudeli, cattivi, terribili,
uccidono le fate, uccidono la purezza,
uccidono la fantasia.
I bambini che incontrano l’orco,
non parlano più con gli eroi di cartone.
Non parlano più con nessuno.
Restano soli, e da soli piangono
e soffrono per l’infanzia rubata.
In bocca gli rimarrà per sempre
il sapore velenoso della molestia
e nell’anima una lacerazione
nascosta dal pudore e dall’impotenza
di una creatura indifesa.
Quella ferita, a volte,
trasforma un bambino
che correva felice
nei giardini incantati,
in un orco vendicativo
che potrebbe rubare
l’innocenza di un altro bambino
che magari, ogni giorno, lo chiama… babbo. |
