SLA Distrofia muscolare
Si la dian ifunder
abbas de unu chelu proinu
no la dian lavare custa pedde!
Li surcan sas pinnicas
sos rieddos
chi curren
in custas baddes etottu.
E si l’assutaren
sos bentos
chi sulan
che traschias
supra su mortorju,
non diat esser
s’irgrenzu ‘e su tempus
nen s’istriulu chi artuddat
de sa notte longa
a l’ischidare
unu ‘isione marturu.
In custa carre chene chilliu
chi si sicat
ind’unu lettu ‘e ispinas,
‘onzi die noa est dolore
‘onzi mudore est prantu
truncau
dae una chinnìda ‘e chiza
chi rispondet
a s’irgrenzu ‘e su tempus
comente un’istria
chi totora si frimmat
in sa pedde
de chie no l’isettat. |
SLA
Se la bagnassero
acque di un cielo piovoso
non la laverebbero questa vita!
Solcano le sue rughe
i torrenti
che corrono
in queste stesse valli.
E se la asciugassero
i venti
che soffiano
come uragani
sopra la carcassa
non sarebbe
l’irridere del tempo
ne l’urlo agghiacciante
della lunga notte
a risvegliargli
un sogno paralitico.
Su questa carne senza fremito
che si consuma
in un letto di spine,
ogni nuovo giorno è dolore
ogni silenzio è pianto
spezzato
da un cenno delle ciglia
che rispondono
all’irridere del tempo,
come un assiolo
che ogni tanto si posa
sulla pelle
di chi non lo aspetta.
|
