Gia pregamus pro a tie
Paba umìle e bonu.
Ti ses giamadu Frantziscu
che su Santu de Assisi.
As dimandadu primu
sa bendissione dae sa zente
Poi l’as dada tue a totu nois.
Nos as nadu
“Sorres e Frades, bona sero!”
E nois t’amus ripostu “Bona sero!”

Custu manzanu a sas oto
Chena tantos pinnatzulos
Andadu ses a saludare
De sa Salude Nostra Signora
De su Populu Romanu.
In machina modesta
Chena tantu baccunu
De classos e de trumbas.
Bestidu de nieddu
E chena su zuccoto
Aias su capoto
E iscapas gia frazadas.

Ecò Santu Frantziscu
Mandadu dae Deus
Pro ammentare a totu
“Paghe e Bene, Frades mios,
Torrade a su Segnore
Pianghende sos peccados.
Issu bos cheret bene.
Pari pari amadebos
Che fizos de a Issu.
Azis aer seguru
chito consolu
pro s’anima e su corpus”.