A bidda mia
di Gian Giuseppe Contini

Sempere ti penso o cara idda mia
colada su tempus e a tie deo io,
custa mia ti dedico e iscrio
e tantos ammentos de pizzinnia.

Cara idda deo penso a tie
e sa zente chi lassadu nos’ada
tottu los b’io ballende in s’istrada
po Santu Poltolu o a sa de su Nie.

ballana in tundu a mese intreu
cun sa zente allegra e gioiosa
istradas a Maggiu bildes de cosa
ca a siccare ponian s’isciareu.

Profumadu paisu de custa pianta
in dies assoliadas e pagu entu
e sas comitivas da trinta a chentu
in sos magasinos fudi tanta.

Laore s’incunziada de fae e trigu
e sas binzas funi bene tentas,
oe idda mia tottu cantu istentas
senza cariasa e pagu figu.

Cara idda ispero ancora
de torrare sempere de piusu
mi ponzo s’istrada a puntuinsusu
e lu fatto da Bosa a sa bonora.

Amada idda disizzo assora
de iere sa zente allegra e cuntenta
profumadas domos de rosas o menta
e malaidos chind’essene fora.

Sa vida cara idda a mie masa dadu,
giogos e brullas de custu mundu
cando sa zente balliada in tundu
e su tempus brullende este passadu.

Oe abbaidendedi da Montemaggiore
cara idda no ses cambiada
sempere fatto deo custa istrada
ca in campusantu bi tenzo unu fiore.

Flussio ses tue su meu primu amore
Mancari lontanu mi faghes calore.

Flussio 08/03/2008