Bithi bichina isforthunada
T’est toccada sa sorte prus funesta
Non t’at risparmiadu sa tempesta
E ses in su dolore isprofunnada

Unu mare de ludrau t’at affangada
Chene piadade ti mantenet prejonera
Sa Sardigna pranghet tottu intrega
Sa zente chi chene iscampu est annegada

Cale mirabile autore l’at pessada
Chi rivos e canales at tombadu
Cale bravu ingegneri at progettadu
Istradas chi non reghen temporadas

Calicunu s’intenne esclamare
Chi n’at neche s’artefice divinu
C’at tuttadu che tumba su caminu
E at postu sa bidda a suspirare

Cadiunu ne progat su dolore
Tottu unidos annemas a azzudare
Si custos versos ti poden consolare
Ti los manno chin su coro e chin amore