A bois custu dolore
lizzeras aes affido
sas penas mias cunfido
si m’acchides su favore

vois bolenne in altura
a Nina mi saludade
a issa li raccontade
tottu sa mia amargura

sa oche sua ascurtade
nadeli cantu l’ adoro
sas bramas de custu coro
aes de chelu piccade

Da cuss’aera cullide
Su profumu e su lentore
Sos alenos de amore
a mie tottu vattide

si in cussos chelos volade
umbe vivet Nina mia
cun garbu e cortesia
unu saludu li dade

Aes ch’intrades tottue
Colade umb’est Nina mia
A issa nadeli ebbia
Chi prestu torrar’app’ a cue

Sant’Andria, 2014