De elegantes assimisos se piena
de candidos e decchidos clamores,
Sos Tuos identicos colores
sunu pius bellos de s’ermos'ELENA.

PADRE LUCCA a mente serena
à descritta sos Tuos candores;
TUE às balanzadu de mannos e minores
s’insoro fantasiosa cantilena.

Tottu cantana cun boche armoniosa
sa Tua esatta visionomia
chi di à dadu sa madre natura.

SES reina d'incantu virtuosa,
su mastro mannu de alta poesia
a dadu risaltu a sa Sua ermosura.

==========

Sos riflessos de sa mente mia
sun’offuscados de su TU’ ornamentu!
Si potere andare che i su entu
prò Té, ite vachere non dia?

Non bastata a di narrere in poesia
chi solu pro d’idere so cuntentu!
Mah s’opinione mia è s'intentu
a d’aere vin'a morte in cumpanzia.

S’ammira de sa Tua cumpostura
in su mundu non bata cosa peruna
chi ugualete s’incantu chi ses TUE;

A’ fattu cosas bellas sa natura,
brillantes che istellas, sol’e luna
Mah TUE brillas de lucore in tottue,

Orotelli, Maggio 2011