Niune mi preubit d'olvidare
cosas chi dolen sì a s'almu meu,
niune mi preubit de pensare
a cosas chi dan calmu recreu.
Pesso chi medas boltas
Bustianu
de Sardigna su vate, su poeta,
misteros sì de ogni coro umanu
a su diletu Monte pro sa meta
de sos matessi sardos
chi devotos
aman peregrinantes cussighire
si siat jitu puru chie sos votos
arcanos de un'alma a los ischire.
Si siat jitu sì non
pro mirare
dae cussas alturas su Tirrenu,
Corrasi, Gennargentu e Gonare,
Mont'Albu e sitos in logu amenu.
'Iddas de sa Barbagia
e Baronia
nè pro deliziaresi ancora
de Nuoro citade sua nadia
chin sos incantos suos intro e fora.
Peri sas 'addes amenas,
dulches litos,
non pro faghere incontru chin sas janas,
chin gigantes o ninfas in funtanas
mes'eligas, chercos e granitos.
Non pro lograre no su
sol'incantu
de sos fadados buscos, sos ristoros
de cristallinas abbas, fra tesoros
profusos de natura inie tantu.
Fieru e forte in s'umanu
andare
de Barbagia leone verdaderu
a s'Ortobene teneru e sinzeru
lu pesso alzadu sì pro visitare
s'almu vitoriosu chi
est inie
in artisticu brunzu efigiadu,
su chi in su monte 'e Solima una die
a sa perfida morte morte at dadu.
Est dulche Galileu chi
apat nadu
"comente una 'ia si torrere!
cantu m'est pena, cantu su non crere
chi su Verbu ses Tue e umanadu"
"Dae sa morte ses
risussitadu
arbitru de sa vida Unicu Mere,
Jesus triunfadore si potere
fra sos tuos a essere contadu"
"E cale prus gloriosu
istendarte
ch'as in manos e mustras solu Tue,
oh! si jeo e zente de totue
poteremus in Issu fagher parte".
"De sos ch'a Tie sighin totu est cue:
libertade, justissia, amore e paghe,
non si chirchene no in aterue.
O Cristos Redentore pro me faghe
chi m'iscraressat tanta trista nue".
Pepinu
Coronas (Torpè)
