A Fabiana Pischedda
di Gaspare Mele

Cara Fabiana dia cherrere
a di achere una canton’esatta,
che i sa poesia de Bustianu Satta
che i sa prosa de Grazia Deledda,
chi s'estru de Fabiana Pischedda
potta tottue alas isterrere.

Sias dizzosa in sa Tua missione
cantu Asa in coro di averete,
tottu su chi su coro cherete
arrivese a s'intentu a bonu coro!
Jeo d'auguro, e a Deus imploro
suddisfete sa Tua opinione.

Prima de tottu d’auguro salude
e benessere cantu cheres Tue.
Su lumene Tuo currat'in tottue
cun'esempios bonos e bellos,
chi sia monitu in tempos novellos
riccos de benes, e prenos de virtude.

Musas de talentu profundu,
Deas de alta mitologia,
in su Pernasu di vacan cumpanzia
cun'Erattu, Talia e Persicore.
Cun propositos de veru amore
de pache santa incantes su mundu.

Nde so orgogliosu e cuntentu
chi una Sarda de sa terra mia
siata galante in filosofia
presidente de arte e cultura.
Dottada e distinta de natura
a su Tuo bramadu cumporimentu.

In su chelu de su Pindaru Monte
Musas e Deas de Elicona,
cun manos de Vadas sa corona
di tessana de seda e filigrana,
su lumene gloriosu de Fabiana
splendata che aurora in s’orizzonte.

Sos mios sentimentos ladinos
che luche celeste verdadera,
crescata in sos poveros si spera
de benessere e felicidade,
rendas grassias a s'umanidade
cun propositos santos e divinos.

De sa vida in sa via luminosa
a gustu Tuo vivas cun recreu.
e grassias mandadas dae Deu
de salude,virtude e pache,
In lumene e Deus, a su poveru vache
ene de tottu in cada cosa.

Orotelli, 22-06-2011