Est in su poju ‘e su riu pintada
sa luna maestosa risplendenne
paret sa manu a mie istennenne
moghes sas undas de abba argentada
acennet e inferzit sa notada
canno la miro mi paret ridenne
li naro a sa muda cara luna
contami tue sas bidu a cudd’una

Chene faeddu dat risposta a mie
ja l’apo ida sa chi ses narenne
como est in su letu reposenne
est ischidada e pensenne a tie
est in isettu chi venzat su die
chi ves a cue a issa chirchenne
mustranneli de coro su sentidu
ca su tempus chi colat est perdidu

No istes in deliros amorosos
s’amore tuo a issa declara
su ch’intennes in coro a issa nara
no istes in faeddos dubidosos
sos brujores d’amore disizosos
canno l’intoppas cunfessali in cara
non bi lu lessas su tempus colare
solu s’amore lu podet firmare

Santu Gavine, 2016