A frade meu
e a dogni frade

di Francesco Sanna

Antoni cantu narrer ti cheria
si su Mere mi da sa permissione
de intonare cun carme o cun cantone
una laude a sa Sua Sabiduria.

Ca como cudda rosa de Sorìa,
chi trammudadu m'at in sa pessone,
siat po su logu o siat po s'istasione
profumat piusu che in Andalusia.

E deo chi semper giualzu so de Amore
cussu profumu ispalgo a contu sou,
gratu chi m'at chirrau da su bugiore.

A tie nde fatto palte a bonu prou,
e si bi tenes fide, custu fiore,
ti faghet a tie puru omine nou.

*********