Proite Deus meu, Deus haru
Tue hin terra semenas amore
prite no ch'as pihau ustu frore
riccu 'e nushos, d'intelletu craru.

Da su helu fan fatu richiesta
de la mustrare a su mundu e sos zustos
ishurande sa cara 'e totu hustos
vennios oje pro nos haer hesta?

Sun sos poetas, prontoso a s'invitu
de su cuncursu nostru 'e poesia
tue in s'agasazu e s'allegria,
los afranzavas hin d'unu risitu.

Hantas piagas e hantu patire
sa leonessa nostra corazzosa
mai una lamenta, puntillosa
hene s'arrender, punghende a sighire.

Belle pronta sa està 'e sos trint'annos,
huffidande in sa Mama e sos dolores
naravat: Villos! Da sende minores
torran bragande e sun poetas mannos.

Si volet Sant'Antoni de sihuru
a fuhuru prenamus s'isporteddu
de popassinos e vinu nigheddu
e lis hahimus està hohannu puru.

Tèntannos Franca dae s'infiniu
hene ispinas, dolores, hen'anneu
affianca dae s'amore 'e Deu
A ricupessa de hantu as patiu.

30° Concorso di poesia in Lingua Sarda “Sant’Antoni de su o’u” - 2021
In memoria di Franca Corda valida e attiva collaboratrice del Premio.