A Franzischinu Satta
di Gaspare Mele

S’apettu vigorosu de Franzischinu
mi a postu in dilliriu sa mente
ca vi generosu, gentile, eloquente
dottadu de su talentu ladinu.

De sos amicos vi su beniaminu
de Nuoro s’ammiru eccellente,
vi cumpanzu de tottu sa gente
sinceru, amabile e genuinu.

Appo intesu chin s’oricra parada
su raccontu d’alta filosofia
de unu “ranu e rena” raccontada…

Pacu intendo, ma b’este abbarrada
sa oche suave, sa sua armonia
de unu mastru de s’arte onorada.

(maggio 2008)