A Lucia
de Anna Maria Sechi
Cantu mi faghet dolu
Pregare in custa tumba
Totu m’est isconsolu
Totu mi faghet umbra..

Sa vida ite est sa vida!
Sa chi deo apo dadu a tie
In pienu t’at colpida
Dae sa prima die

No t’at dadu recreu
S’ingrata mala sorte!
Sa vida bene meu
Furadu t’at sa morte!

A pes de custa rughe
Pro a tie gioia mia
Bi paso unu fiore…

E pro chi ti fetat lughe
A tie lasso s’amore
Ch’apo in s’anima mia.