Este pro me de Martu su mese
Ammentos de dulzura e de dolore,
Ca fidi de Martu su chimbantasese
C’apo lassadu de Mama s’amore.

Su bindighi de Martu unu fiore
Nasched’indomo, e fimis in trese,
E de Martu sa die vintisese
De l’ammentare mi faghede onore.

Tue Luisi gia cumprendess’arcanu
Chi totu su chi lughet no est’oro
In s’andera de sa vida ogni momentu.

T’auguro da s’intimu de su coro
De poder earrivare allegru e sanu,
De Martu meses nde contare chentu.

Cun affettu (olanda)