Ca fis'in terra una femina intrea
Andada ti che ses prima e s'ora
A ue er Deus e nostra Sinnora
Ca bi tenias pronta sa cadrea

Inoghe fis Sinnora e fis valente
Fis tue rafinada in d'onzi cosa
Credente cantu mai religiosa
C'ar fat'e mama a d'onz'istudente

Ca dae zente ona vid'as tentu
Sende in bida bene as caminadu
E ca bonas orminas as lassadu
In sa idda de te an bonu ammentu

Non la devias no gai finire
Ti cheria connoscher a betzesa
Ca su sensu sa tua sabiesa
Fin cosasa de fagher a ischire

Sor duos fizos chi a su mundu ar dadu
A esempiu chi s'artu fatore
A una che a s'ateru duttore
Cun grandesa ti at laureadu

Tue che chi sias sempre in vida
Faghelu cun su coro e cun sa mente
Los assistere e lis sias presente
Faghindelir de marna e de guida

In cussu rennu inue onzi umanu
Andat irmentigande onzi dolore
Bi es Filipu tuo caru amore
Pro parte mia l'istringhes sa manu

E si mi faghes una cortesia
Dae coro ti cherzo domandare
De poder forte forte saludare
S'isposa c'ap'in coro e chi tenia

A babbu tuo omine e onore
E a tia Maria naro a tie
In su chelu ca sun ambos inie
Los saludas da part'e Sarbadore

Che chi ti sia frade - godi e riposa in s'eternidade