A Maria

Non ti turbet gentile cust’ Enea
Ne ofusches sos tuos pensamentos
Non penses a su suos tradimentos
No it d’afetu sa sua tropea
Che isse non ses tue in coro rea
Ca de dulcura ses vena e cuntentos
Chie traichet tanta nobiltade
Non meritat sa tua piaedade.

Chie calpestat su bene e rispetu
At solu de virgonza sa figura
Tue dechida rosa de bellura
Ses de amore su sognu perfetu
Su traitore lassalu deretu
Lassalu in ludu a sa sua impostura
Cuss’aularju lizeri impostore
Lassulu in manos a su disonore.

Chie d’anzenos versos faghet gala
Est che vestidu a pinzos prestados
Non tenet benes de essere mustrados
Falsu ‘e zenia e d’indole mala
Tue Maria su pede li fala
A sos modo chi at’ avvelenados
Chi est de pompa vana e faularju
Ranchid’arreat che mese e frearju

Su coro tou d’amore pienu
Cunservalu pro carchi amore veru
Chie in sentimentos est lizzeru
Mai ne vatit de tempus serenu
Ignora cussa buca de velenu
Chene rispetu chene cunsideru
Maria arrea alligra e gioviale
Ca ti ses liberada e pena e male

Su coro ingratu de raza trojana
solet totue medas penas dare
Pius adatu ne as tue acatare
Calu meritas ridente Diana
Isparghe alas in s’aera sana
Chirca cussu perfidu alluntanare
Chie ogni giurammentu at afalzadu
No est dignu de coro innamoradu