A Maria e Luisi Ladu
de Maria Luisa Pisanu

In custu mundu, pro sos cristianos,
sa festa pius nòdida es Nadale,
l'isettana malaidos e sanos,
poberos, riccos e andados male.

Sos minoreddos, sutta e cabidale,
dae chitto, forrogan cun sas manos,
ca isperan, chi su zogu 'id'in giornale
apat batidu cuddu a pilos canos.

Si pro faghere caminu asa lottadu,
onzi bene es costadu isforzos mannos
como isco a seguru ite disizas:

vivere a longu cun muzere e fizas,
in paghe, amore e pro medas annos.
Ti l'àuguro dae coro, Luisi Ladu.

____________________

Bonas Festas
Maria Luisa e Peppino.

Pasca e Nadale 2012