Abbellida chin predas a vista
N’aian fattu unu bellu giardinu
Vandalos l’han distrutta a conch ‘e binu
Creanne dannu puru a su barista

Mariedda como ses prus trista e sola
Issettanne sa brocca de prenare
Si s’untana non si detzidin a curare
As perdidu sa brocca e senna s’ora.

Sa comuna no at untanas de acconzare
Narat chi no est annada bona
Ghettat sa neche a un’Italia ladrona
Chi cubat sa busciacca ‘e su dinare.

Donzi cristianu isperat galu
De buffare torra a cust’untana
A s’assididu li catzzabat sa gana
Siat in tempus bonu o in tempus malu.

Tue acconzati sa brocca Mariedda
Chirca atter’ untana ube prenare
No abbarres settida a issettare
E bae a un’untana prus innedda.

26/05/2020