Dae chelu fit bennida un’istella
est torrad’a su chelu pius lughente
poi de aer dadu a tanta zente
de chelu s’armonia pius bella.

At post’in poesia “Sa Novella”
de Deus Misericordios’e clemente
e cun Cristos su Santu Innotzente
at bestidu sa rughe che flanella.

Torrada sa su Babbu Criadore
columu de donada santidade
isparghend’ in poesia s’Amore

chi est dadu a chie in povertade
sighede de Gesusus Redentore
sa umilidade e sa bontade.

Mastru Nino in sa eternidade
gosa Cristos ch’as sighidu che frade.

05/12/2018