A Monsignor Pietro Meloni
di Gaspare Mele

Oh... Pastore de animas terrenas,
Apostulu de pache e amore.
Sa oche Tua che Cristos Redentore
de su malessere trunchet' sas cadenas.

Su rispetti de sas cosos anzenas
si schidet' impettuosu cun'ardore.
Inue bi à pattimentu e dolore
su Vangelu Tuo alleviet' sas penas.

Dae custa dimora chi Tue
beneiches s'unione, s'armonia
de sa zente serena e ansiosa.

"Si spargata sa oche Tua in tottue
a s'intentu de sa Tua bramosia
ricca de pache, secura e donosa".

A lumene de custa zente fiduziosa
chi sperat' in sa divina Maestade,
pache, armonia e serenidade
onestade e rispetto in cada cosa.

S'amabile zoventode bisonzosa
invoccata triballu e libertade.
Sequestros, rapinas, disamistade
canzellete, sa paraula Tua gloriosa.

"Sos males nostros sana; Sa discordia
chi generai' in s'alta sociedade
isfruttande su poveri; e malessere".

"Oh Pastore, de Deus sa misericordia
illuminete sa Tua paterna bonidade
de amore, fratellanza e benessere".