A Paulu II
di Giuseppe Concas

O poderosa eterna pianta
chi tue a sa vida d’has su fruttu
a dies dopo de sa chida santa
su duos de abrile ti eh‘est ruttu,

da poi de pius de annos ottanta
a s‘atteru mundu che l‘has giuttu
e has su mundu intreu postu in luttu
e commossu sa zente tottuganta,

circa vintisett ‘annos dadu hat gloria
a tottu s‘intrea umanidade
poninde paghe a tottu sos istados

pro sos valores de sa libertade
in parte cambiadu nde hat s‘istoria
cun sos suos bonos resurtados,

sa sua spiritosa volontade
su sambene hat dadu a s‘urtimora
s’est invocadu a nostra Signora
in su momentu de difficultade
ti dat sa forza e t‘accontrare ancora
e presentare sa tua santidade
e finas a sos istremos de sa vida
has mantesu de Cristos sa guida,

dotadu fis de bene preziosos
preparadu in varias culturas
e vias serenas pius seguras
has attraversadu momentos penosos,
e azzende sos raggios luminosos
in terras lontanas e iscuras
che puzzone emigrante sempre in bolu
armoniosu che su rosignolu,

cando daias durches sos carignos
a sos anzianos e a sa gioventude
teniada attraente sa virtude
fit s‘armonia fina a e sos pizzinnos
non nde ‘idiada giovanos malignos
morale bi daiada e salude
fit d’amorosu unu mannu tesoro
pro sa gioventude babbu insoro,

sa guida tua in custos annos
fit seghia cun sentimentos drittos
dande calore e pane a sos afflittos
de haer commossu sos omines mannos
dande morale a sos poberittos
chi sunu opremidos in affannos,
e tue mai nd‘has fattu a mancu
de los sighire sempre a su fìancu,

in donzi campu fit cumetitivu
eloquente simpaticu umorista
e in varios giogos isportivu
ca has praticadu e postu in vista
e sempre pro subente positivu
in s‘operadu e protagonista
dialoghende paghe chenzia gherra
has cambiadu una parte ‘e sa terra,

in tempus pagu ‘onu ses partidu
s‘infamzia non t’est bistada giogu
ca fisi in mesu de armas de fogu
finas de ti esprimere preibidu
ma tue has sempre sa vida seghidu
ue ses bistadu in donzi logu
durante in vida ‘idias lontanu
su mundu intreu da-e su Vaticanu,

in sa tua terrena intelligenzia
has dadu tanta paghe meritoria
has rafforzadu a su crero s‘istoria
grazie a sa divina provvidenzia
chi a tie non a dadu sa presenzia
regalu de isperanza e de fide a sa memoria
ca fit Paulu segundu in santidade
como prega da-e s‘eternidade.

Bolotana 2 aprile 2005