Piaghe! ses sa perla 'e Logudoro
pro ambiente clima e panorama.
Sos fizos tuos pro su cantu issoro,
han in s'Isula tota 'ogadu fama.

Da poetas chi vènero e ch'ignoro
in dogno tempus ses fecunda mama
e de feminas bellas ch'in su coro
azzenden de amore una fiama.

Feminas, chi che deus in persona,
ti rezzin cun su visu sorridende
senza ti ponner in suggezione.

Forsi ti tenzo sempr'in coro e mente
pro una mia antiga passione...
Ma... Piaghe, piaghes veramente!

(Ploaghe)