Isterrida

Ite tenede s’isport in favore
mustrande armas de fortza benigna
ponende corona a cuss’istadiu
ca proite b’est un’allenadore
chi hat dadu briu a totta sa Sardigna,
e fama ispeciale a su Barigadu.
Si l’innesto su giogu sagradu
passione e fortza sa pallacanestro
ue Mario b’hat tentu chistione
d’esser prima fiama ’e cuddu fogu,
si l’innesto su sagradu jogu
passione e fortza sa pallacanestro
su sagradu jogu si l’innesto
sa pallacanestro fortza e passione
ue Mario b’hat tentu chistione
d’esser de cuddu fogu prima fiama,
e tenet semper ordidu sa trama
si non cheres perder tantos benes
ammenta ch’has a bincher si tenes
sa salda manu forte e singulare.

Primu fiore

Has cuntentu de cherrer giogare
fattu che s’ermosu divertimentu,
ca in sa vida bi cheret cussu gosu
non solu fadiga e suore offerrer,
has cuntentu de giogare cherrer
fattu che s’ermosu divertimentu
has de cherrer de giogare cuntentu
fattu che divertimentu ermosu,
ca in sa vida bi cheret cussu gosu
non solu offerrer suore e fadiga,
iscrier prontamente s’atera riga
d’una gloria bella e grande sorte.

Segunda retroga

Ite tenet s’isport in favore
……………………………
sa salda e singulare manu forte.

Segundu fiore

D’oro sa littera in cudda corte
t’hat a dare in su mommentu issoro
cando zovanos de su partetzipare
han aer de custu isport maniera,
de oro in cudda corte sa littera
t’hat a dare in su momentu issoro,
in cudda corte sa littera de oro
in su momentu issoro t’hat a dare,
cando zovanos de su partetzipare
miniera hana aer d’isport cussu
assoras cun s’onore de su zustu.

Terza retroga

Ite tenede s’isport in favore
…………………………….
sa salda e singulare forte manu.

Terzu fiore

Finzas sas pazzinas cale arcanu
bidene sagradas cudda chimas
e s’incantan de cussa giogadas,
applaudinde cun modo ispeziale,
sas pizinas finzas arcanu cale
bidene sagradas cudda chimas
cale arcanu finzas sas pizzannas
bidene cuddas chimas sagradas,
e s’incantan in custas zogadas
cun modu ispeziale applaudinde
su jogu chi non fin cumprendinde
como nde tanen viva gastonalda.

Quarta retroga

Ite tenede s’isport a favore
…………………………..
forte manu singulare e salda.

Quartu fiore

De Abbasanta sede pius ismeralda
fatta in su millenoeghentosottanta
ue bi fit sa sede de primos assentos
siat assumancus de su mundu susu
d’Abbasanta sede ismeralda piusu
fatta in su millenoeghentosottanta
sa pius ismeralda sede d’Abbasanta
fatta s’ottantamillenoeghentos
ue bi fiat sa sede de primos assentos
siat assumancus susu de su mundu,
cun rara fama e in modu giocundu
tenende umpare sa forza comuna,

Quinta retroga

Ite tenede s’isport a favore
…………………………….
singulare manu salda forte una.

Quintu fiore

Ispera in su bene e in sa fortuna
ch’ischis bi cheret pag’a trampare,
tene testa pro podet allenare
sos chi funti in sa futura via,
mai perdas sa tua felice armonia
dende a dognunu sa parte sua,
mai perdas sa felice armonia tua
a dognunu sa parte sua dende
isperande chi sias tue binchende
sentza tenner perdida peruna.

Ultima retroga

Ite tenede s’isport in favore
………………………….
singulare manu salda forte una.

Ultimu fiore

Ispero chi non sias a sa digiuna
pustis ch’happo iscrittu sa frasa,
chi si oe est bellu, menzus crasa,
fatende onore cun divinu invitu
pustis chi sa frasa happo iscrittu
fatende onore cun invitu divinu
sa finale a congruer dae vicinu
mi toccada impresse sa poesia
adiosu, bos lasso in tant’allegria
chi cantu ti piagada, deo l’ispero,
mancari non sia deo unu poeta
fino e saludo custa cumpagnia
cominzada dae pagu e de zero
impresse che raggiungat sa vetta.

Ardauli, su 1 de Maju 1980