A s’amigu e fedale Luisu Piu Cumplimentos pro Atzara
di Serafino Putzolu

Ca ses de S’Elicona istella rara
Cun poeticos altos argumentos
Unu in Gennargentu unu in Limbara
Tenes derittu a duos monumentos

Su primu premiu às bintu in Atzara
E dae Parigi ti fatto cumplimentos
Ca pro sa nostra Sardigna bella e cara
Essende in vida lassas tantu amentos

Santa Maria e mare prottetora
Ti siada in sas penas e affannos
Pro chi sias in Sardigna imortaladu

E t’auguro caru fedale istimadu
Cuntentu canta e iscrie ancora
E non ti frimes prima e sos chent’annos

E cun sa Turre Effele incantadora
Fino saludo a tie e sa Signora

Courbevoie, 14 Maiu 2010