A s’Amigu Gino
di Giuseppe Concas

Caru Gino s’intende sa mancanzia
cando partida e’ sa mama vera
chi prò sos fizzos b’istada es fiera
dandeli su latte dae s’infanzia.

In custa luttuosa circostanzia
prò sa morte de Thia Piera
t’imbio affettuosa e sincera
sa più sentida condoglianzia.

A s’ora e su dolu e sa partida
magari avanzada fi s’edade
e sempre tristu a perde sa vida.

Ca su trapassu a s’eternidade
magari cun s’anima pulida
resta misteriosa realtade.

Bolotana, 17-06-2009