A s’amigu Poeta Bolotanesu Giuseppe Concas
de Serafino Putzolu

Augurios de Bonas Festas 2012

Sas Festas cun i sas traditziones
Sun preparande in custa Capitale
Cresias Prazzas Vias e Balcones
Sun decorande in modu originale

Cantos Pizzinnos cun devotziones
S’unu ispettande su Babbu Natale
Pro sos mannos crabittos e antzones
Cun Cannonau Merloto e Bovale

Ca de Ottanta possedis su pannu
Non ti podimos Peppe ismentigare
In telefono in iscrittu in Poesia

Da Parigi cun sa famiglia mia
Ti cherimos de coro Augurare
Bonu Natale e felice Bon’Annu

E s’annu nou cun forza e ardores
Chi enzat senza males ne dolores

E a Luisu e a Maria Signora
De parte nostra saludes ancora

Courbevoie Natale 2012