Atonzu
in sa costa sollana
er’bortiann’in colore
a s’umile bide pellegrina
sar birdes ozas suas naturales.

Ma iscia
prima chi sor rigorès de s’iberru
de su tottu l’ispòzzen e l’ispilen,
maternale l’offerit
a s’omine terranzu
su samben delicadu
de sas intragnas suas generosas.

A mimme puru
s’istajon’attonzile de sa bida
m’es’cuntin’allizzanne
desizos e brios e isperas.

Ma tue
o generosa bide
chin affettu maternu
da sas mamiddas tuas singulares
abbunnante mi murghes
unu licòre d’ùmores nuscantes
sichìdu a mi sustenner’
irmentricanne penas e affannos
in s’urtima picada ‘e s’esistenzia.

3° premio sezione B - 17° Edizione premio di poesia Viniscola in memoria del prof. Vittorio Sella. 2019