A sa cattedrale mia
de Pietro Cui

Suni sette seculos e piusu
Chi su Conte Ugolinu t’at fundadu
Cattedrale a tie at nominadu
In nomen de Chiara e de Gesusu.

Dae cando t’ana postu in usu
Intro sos muros tuos an pregadu
Tanta zente a tie at invocadu
Sena lassare perunu delusu.

Chiara Santa chi ses sa Patrona
De custa cittadina iglesiente
Sighi cun sa tua opera bona.

Allevia sas penas a su sofferente
E beneighe Chiara custa zona
Cun s’assistentzia ’e s’Onnipotente.

Iglesias, 11.06.2012