Sa note
un’istoja ‘e pessamentos
ube
serenu s’impuddile
sa prima preda assentat de sa die…

S’iscuru ghetat pore:
ma in sas pupias suas
che taddaranos de seda
s’apposentan sos sònnios de su mundu
chilliaos
dae frinas de … disizos.

So sàgada ‘e luna
un’àstula ebbia ‘e pessamentu
in runda chin su bentu
ch’isporau
ti chircat
in s’umbrore ‘e su sentiu
che sisia ‘e bida…

In sas abbas de su tempus
che undas afusadas
nadran sas dies meas
istracas
chircande una bubada
in percales profunos
de mudesas
…Ma…
At a esser Luche totu custu…?

Mi remuno sos pessos,
a sa muda,
meledande sa note grispa
isperande
chi manzanu su chelu
non progat prus ispinas…

Ansima di Luna – alla luce:

La notte / Una stuoia di pensieri / Su cui / L’alba paziente / Posa la prima pietra del giorno… Il buio mette ansia: / ma nelle sue pupille / come filati di seta / respirano i sogni del mondo cullati / da brezze di…desideri.
Sono ansima di luna / frammento di pensiero / errabondo col vento / che sgomento / ti cerca nelle latebre del sentire / come afflato di vita… Nella mària del tempo / come onde confuse / annaspano i miei giorni / stanchi / cercando un’approdo in abissali dirupi / di silenzi / …Ma… / Sarà Luce tutto questo?
Mi riordino i pensieri, / in silenzio, / riflettendo sulla notte cupa / sperando / che domattina il cielo non rovesci più spine…

2° classificato sezione verso libero - Premio di poesia “Tiu Finu” - Romana 2015