A sa Madonna de Fatima
di Giuseppe Concas

Fatima falada est in sa terra
su deghesette mille e noighentos
da chi fit s‘Europa in gherrra,

ca tristos fini gia cussos momenentos,
sos dittatores faghinde burdellos
cuntra a sos divinos sacramentos

In Portogallo a tres pastoreddos
mama ‘e deus Vergine Maria
in cussos momentos pagu bellos

a Franziscu, Giacinta e a Lughia
e a custos pizinnos de s‘infanzia
dat su messaggiu de sa profezia,

a dare a s‘umanu s‘isperanzia
de supportare su male e-i s‘abusu,
sa penitenzia pro sa fratellanzia

gai sos pastoreddos han diffusu,
su compitu insoro nezesariu
su chi lis narat sa mama e Gesusu,

a preigare donzi die su rosariu
pro superare su momentu feu
a fine ‘e su segundu millenariu

su chi hat nadu sa mama de Deus,
martirizadu han tantos innotzentes
pro su bene de su mundu intreu,

como hat cambiadu e sos credentes
hana lottadu e-i sa libertade
hat cunvertidu medas continentes,

e Fatima sa tua santidade
illuminada a tottu su mundu
de fronte brillante e s‘onestade

como assisti ‘onzi moribundu
presente sa tua sentinella
chi dat corazu e animu profundu,

e a sos chi t‘han fattu sa capella
in s‘incrociu de su “bonu caminu”
dalis serena una vida bella,

e a sas poberas animas vicinu
chi passana andande in campusantu
prega a fizu tou su “bambinu”

e su Babbu, e s ‘Ispiritu Santu
chi lis diat sa benedizione
durante vida chi preigadu han tantu,
cun amore e cun devozione.

Bolotana su 02 de aprile ‘e su 2006