A sa Sardigna

Sardigna, diamante incastonadu,
mi pares tue posta in mesu mare
ca Deus de natura ti l'at dadu,
tesoro raru, fatu pro ammirare.

Ses astru in firmamentu collocadu,
chi s'infinidu deves illluminare
e su valore ch'as incorporadu
tantu est chi non si podet calculare.

Su sole, sa luna, donz'istella,
s'aera, sa terra ei su mare,
minerales, metallos, fauna e flora,

de totu ses tue sa pius bella
ca ses reina digna de lodare,
ses subra a totus, superba signora

Franziscu Satta (Torpè)