A Sarbadore Murgia
di Sarbadore Enne

De su Sardu Parnasu ses tesoro,
ca cun sa pinna onore t’as dadu
e ses in sa Sardinna carculadu
comente a Caria e Mercheoro.

Ca in Casteddu, Tattari e Nuoro,
in sos cuncursos chi t’ant invitadu
cuasi sempre ti ant premiadu
ca pariant iscritas prellas d’oro.

Iscriese e cantas puntuale
ca tenes dae naschida talentu
e versos rafinados tottu asa.

Cun cussa ricca vena naturale
restas de sos sardos in s’ammentu
finas de sos poetas ch’enint crasa,

ma tue iscrie e canta a prur de chentu.

Bolotana, 4.09.2009